सुंदर पिचाई आणि गौरांग दास यांच्यातील एक विचारप्रवर्तक संवाद: यश आणि शांतीचा संगम
सुंदर पिचाई आणि गौरांग दास यांच्यातील एक विचारप्रवर्तक संवाद
लंडनमधील एका प्रतिष्ठित मंचावर नुकताच एक अत्यंत लक्षवेधी आणि विचारांना चालना देणारा संवाद घडून आला. एका बाजूला होते जागतिक तंत्रज्ञानविश्वातील अग्रगण्य संस्था गूगलचे मुख्य कार्यकारी अधिकारी सुंदर पिचाई, तर दुसऱ्या बाजूला होते आंतरराष्ट्रीय कृष्णभावनामृत संघटना, इस्कॉनचे सन्यासी आणि अध्यात्मिक जीवनपद्धतीचे प्रचारक गौरांग दास.
या दोघांची ओळख केवळ एवढीच नाही की ते दोघेही भारतीय तंत्रज्ञान संस्थेचे (IIT) माजी विद्यार्थी आहेत, तर त्यांच्या जीवनप्रवासाच्या दिशाही पूर्णतः भिन्न आहेत. एक जण जगभरातील डिजिटल क्रांतीचे नेतृत्व करत आहे, तर दुसरा मनुष्याच्या अंतर्मनातील शांतीच्या शोधात समाधान प्राप्त करत, अध्यात्माच्या वाटेवर चालत आहे.
🌐 दोन वाटा – खरच एकाच उद्दिष्टाकडे जाणाऱ्या ?
हा संवाद केवळ दोन व्यक्तींमधील मैत्रीपूर्ण चर्चा नव्हती, तर तो आधुनिक जीवनशैली आणि पारंपरिक अध्यात्म यांच्यातील एक प्रकारचा संवाद होता. एकीकडे सुंदर पिचाई, जे प्रचंड तंत्रज्ञानाच्या जबाबदाऱ्या सांभाळतात, निर्णय, स्पर्धा, आंतरराष्ट्रीय व्यावसायिक व्यवहार आणि दुसरीकडे गौरांग दास, ज्यांनी यशाचे पारंपरिक संकेत बाजूला ठेवून एक शांत, संयमित आणि साधेपणायुक्त जीवन स्वीकारले.
दोघेही यशस्वी आहेत, पण त्यांच्या यशाच्या व्याख्या भिन्न आहेत. पिचाई यश मोजतात नव्या शोधांमध्ये, जागतिक प्रभावात; तर गौरांग दास यश मोजतात अंतःकरणातील समाधानात, परमार्थातील निष्ठेत आणि मनःशांतीत.
😌 खोल परिणाम साधणारा एक हलकासा विनोद
या चर्चेदरम्यान, सुंदर पिचाई यांनी गौरांग दास यांचं सौम्य, प्रसन्न आणि तरुण दिसणारं व्यक्तिमत्त्व पाहून कौतुकाने विचारले,
“आपण इतके प्रसन्न आणि ताजेतवाने कसे राहता?” त्यावर गौरांग दास यांनी सौम्य हसत उत्तर दिलं_
“सुंदर पिचाई गूगलसोबत व्यवहार करतात, जे तणाव निर्माण करतं: आणि मी परमेश्वरासोबत व्यवहार करतो, जो तणाव दूर करतो.” ('सुंदर पिचाई गूगल से डील करते हैं, जो तनाव देता है, और मैं भगवान से डील करता हूं, जो तनाव दूर करते हैं.)
ही ओळ एका हळूवार विनोदासारखी वाटली, पण तिच्यामध्ये एक अत्यंत मर्मभेदी सत्य लपलेलं होतं.
सभागृहातील श्रोते काही क्षण स्तब्ध झाले.
त्यांनी विचार सुरू केला की जिथे प्रगती आहे, प्रतिष्ठा आहे, तिथेच जर तणाव असेल; आणि जिथे साधेपणा आहे, समर्पण आहे, तिथेच जर खरी शांती असेल, तर आपण कोणती वाट निवडावी?
🧭 यश आणि समाधान – परस्परविरोधी की परस्परपूरक?
आपण सर्वजण आयुष्यात काही ना काही गाठण्याच्या प्रयत्नात असतो, आर्थिक स्थैर्य, सामाजिक प्रतिष्ठा, व्यावसायिक यश. पण या सगळ्या धावपळीत अंतर्गत शांतता कुठेतरी मागे राहते. गौरांग दास यांचे जीवन सांगते की, यश आणि समाधान एकत्र नांदू शकतात, पण त्यासाठी दिशा बदलावी लागते.
सुंदर पिचाई यांचे आयुष्य देखील प्रेरणादायी आहे. त्यांनी कठोर मेहनत, चिकाटी आणि कौशल्याच्या जोरावर जगातील सर्वात प्रभावशाली कंपन्यांपैकी एका कंपनीचे नेतृत्व मिळवले. पण त्याचवेळी, गौरांग दास यांचं जीवन आपल्याला सांगतं, की जर आपण मनाने शांत नसू, तर बाहेरचं यश आपल्याला पुरेपणाची अनुभूती देणार नाही.
🧘 तंत्रज्ञान आणि अध्यात्म यांचा समतोल
या संवादातून एक अतिशय आवश्यक गोष्ट उलगडा झाला,आजच्या काळातही, तंत्रज्ञानाच्या युगातसुद्धा अध्यात्माला बाजूला टाकता येत नाही. तंत्रज्ञान आपल्याला सुविधा देऊ शकतं, गती देऊ शकतं, पण शांती देऊ शकत नाही. ती मिळते समजूतदार वागण्यातून, स्वतःकडे डोकावण्यातून, आणि परमेश्वराशी नाते जपण्यातून.
🔚 शेवटचा विचार: तुमची ‘डील’ कोणाशी आहे?
हा संवाद मनामध्ये तीन प्रश्नाना जन्माला घालतो
तुम्ही कोणासोबत व्यवहार करता?
🟢 गूगलसारख्या विश्वभर व्यापलेल्या, पण तणावदायक गोष्टींसोबत?
की
🔵 भगवंतासारख्या शांततेच्या अमर्याद स्रोतासोबत?
आणि
🟢 या चर्चेचा परिणाम सुंदर पिचाई यांच्या मनावर काय होईल?
अर्थात, ही उत्तरे प्रत्येकाने स्वतःला विचारून शोधायची आहेत. पण या प्रसंगातून आपण इतकं शिकू शकतो की, खरं यश तेच, जे अंतःकरणातही समाधान आणि चेहऱ्यावर प्रसन्नता आणतं.
#सुंदरपिचाई #गौरांगदास #IITमित्र #यशआणिशांती #डिजिटलविरुद्धअध्यात्म #मनःशांती #विचारप्रवर्तकसंवाद #SundarPichai #GaurangaDas #IITBatchmates #SpiritualWisdom #TechVsSpirituality #InnerPeaceMatters #GoogleVsGod #MindfulLeadership #ModernLifeBalance #WisdomTalks #PeaceOverPressure #InspiredConversation #DigitalVsDivine #PurposefulLiving #StressFreeSuccess
लेखक: धनंजय शिंगरूप
ब्लॉग: प्रिय पालक आणि विद्यार्थी
Though your like is single it's valuable to us.
Click on below given title to switch our FB page and like it now.
MORE HELPFUL COURSES
Know more about Spoken English Class online/offline
Admissions open for year 2024-25
Comments
Post a Comment